احلى شعر هتقراه فى حياتك شعر مسخرة

طاطي راسك طاطي طـاطي
انت في وطن ديمقراطـــــــي
انت بتنـــعــــم بالحــــــــــرية
بس بشرط تكون مطاطــــــي
:#@#: :#@#: :#@#:
لما تكون شـغــال بذمــــــــة
خايف على مصــلحـة الأمــة
شغلك يطلـع من غير لازمــة
علشان مبيعلاش غير واطي
طاطي راسك طاطي طاطي
انت في وطن ديمـــــقراطي
:#@#: :#@#: :#@#:
لما حامـيـهـا يكون حـراميـها
وبـلاده ورا ضـهــره رامـيــــها
طـالـع نـازل واكـل فيـــــــــها
مسنود بالـبـدلة الظباطــــي
طاطي راسك طاطي طاطي
انت في وطن ديمـــــقراطي
:#@#: :#@#: :#@#:
لما شــقـاك يصـبـح مش ليك
فقرك سـد السـكة علـــــــيك
تتلـفّـت تلــــقى حـــوالـــــيك
إما حـرامـي وإما عقــــاطــي
طاطي راسك طاطي طاطـي
انت في وطن ديمقراطــــــي
:#@#: :#@#: :#@#:
لماتلاقـي بـــــلاد الـدنـيــــــا
فيها البني آدم حــــاجة تانية
وانت في الطبقات الـــــــدنيا
قرد مسلسل أو وطواطـــــي
طاطي راسك طاطي طاطـي
انت في وطن ديمقراطــــــي
:#@#: :#@#: :#@#:
لما الجهلة يبــــــقوا أمــامــك
أو فوقك ماسكـين ف زمـامــك
ويسـوقـك ع الهـلكـة إمـامــك
تشرب م السم السقـــراطي
طاطي راسك طاطــي طاطي
انت في وطن ديمقـــــــراطي
:#@#: :#@#: :#@#:
لمــــا الكلـــمة تكون بتدينـك
لما تخبي ف قلــــــبك دينــك
لما الذل أشوفه ف عيـــــــنك
هات إحباطك على إحباطـــي
طاطي راسك طاطي طاطــي
انت في وطن ديمقراطـــــــي
انت في وطن ديمقراطـــــــي