انا عندى 14 سنة و بحب واحد عنده 26 سنة انا بصراحة مش مقتنعة ب
حكاية ان السن عقبة بين اللى بيحبوا بعض بس المشكلة ان انا فكرت انى اقول للى بحبه انى بحبه أصل ايه المشكلة فيها انا اللى قولتله و لا هو اللى قاللى لو هى عيب طيب ما هو لو جه يقولى بحبك و سألنى انا بحبه و لا لا هقوله اه بحبه يبقا هى هى بس انا عايزة اقوله عشان اعرف هو بيحبنى و لا لا و اقدر احدد موقفى بس مش عارفة ليه بتردد كتير انى اعمل كده انا مش عارفة اعمل ايه و فى حاجات كتير هو عملها لما آجى أفكر فيها أحاول الاقيلها مبرر تانى غير انه بيحبنى و ما الاقيش و حاولت كتير انى انساه و اقنع نفسى و اعتبره اخويا بس مقدرتش و انا متأكدة ان ده مش حب مراهقة لأنى قادرة افرق و عارفة ان كل اللى فات كان لعب عيال و مش بقول كده عشان لقيت حب تانى اطلاقا
بس هو ممكن يكون بيبادلنى نفس الشعور بس مش عايز يقولى دلوقتى عشان ما يشغلنيش عن دراستى ممكن يكون مستنينى لما ادخل الجامعة و هو يجهز نفسه الأول و بعدين يقولى و ممكن يكون بيعاملنى زى أخته و تصرفاته طبيعية بس عشان هو محترم أوى و طيب أوى عشان كده انا اللى فاهمة غلط فا نا كنت عايزة اعرف هو بيحبنى و لا لا و عايزة احدد موقفى عشان انا كدة محتارة اوى احنا نعرف بعض بقالنا 3 سنين و انا بسأل نفسى كتير بيحبنى و لا لا لما خلاص هجنن و بخاف اكون متعلقة بحبال الهوا الدايبة و يطلع كل ده و هم و كل ما المدة تطول الصدمة هتكون أشد عشان كده انا فكرت انى اقوله بس بتردد و قولت آخد آراء لأن اكيد هيكون كتير منهم اكبر منى و عندهم خبرة اكبر لأن انا مش عارفة احكم بعقلى قد ما بحكم بقلبى مع ان لما حد بييجى ياخد رأيى فى حاجة عاطفية خاصة بيه بحكم عقلى قبل قلبى عشان اديهم القرار الصح اللى ما يضرهم لكن معايا مش عارفة اعمل كده
موضوع: اعمل ايه ؟؟؟؟؟؟ 
السبت 5 ديسمبر - 9:45
