انا في مشكله مالهاش حل

السلام عليكم
انا بنت عندي 25 سنه و كنت بتدرب في شغلي مع واحد عنده 29 سنه و كنا بنشتغل لوحدنا في المكتب كان هو لسه بيبدأ في شغله و طبيعة شغلنا كانت بتخلينا نخرج كل يوم مع بعض وبعد كده نرجع المكتب وكنت تقريبا بقضي طول اليوم معاه وبعد فتره حسيت نفسي اتعلقت بيه وهو كان فيه كل حاجه بتمناها في الانسان اللي طول عمري بحلم بيه طيبته وحنيته وشهامته وتدينه ورجولته لدرجة انى كنت بخاف منه جدا ومالقتش اي حاجه قدامي غير انى اقوله انى بدأت اتعلق بيه على امل انه يقولي انه هو كمان معجب بيا بس لقيته بيقولي انا اسف ماينفعش وخلي اللي بينا شغل وبس ساعتها حاولت ايب الشغل بس ماقدرتش حسيت انى هسيب روحي لو سيبت الشغل معاه وقولت انى مجرد انى اشوفه ده كفايه عليا و بعد فتره حسيت بنظرات غريبه منه وانه ساعات كتير في المكتب بيقولي روحي دلوقتي وماتعديش معايا وبعد كده فجأه قالي انه عايزني اسيب الشغل معاه وانه مش عايز يشوفني تاني وحتى الشغل اللي كان بينه وبين اهلى قطعه وقال انه مش عايز اي حاجه تربطه بيا وتخليه يشوفني تاني وروحت مع اهلى وقابلناه وخلصنا الشغل اللي كان بينهم وفي اليوم ده بالليل لقيت مامته بتتصل بيا مع اني ماعرفهاش اصلا وعمري ما كلمتها وقالتلي ابعدي عن ابني هو خاطب وهو باباه زعقله بسببك واحمدي ربنا انه حفظك وكفايه على قد كده ده كان من اسبوع ومن ساعتها ما اعرفش عنه حاجه و انا مش عارفه اعيش ومش متخيله انى هكمل من غيره لانه فعلا في دمي ومش عارفه اعمل ايه ولا فاهمه اصلا ايه اللي حصل ياريت اسمع رأيكم