هل هناك حقا كرامة فى الحب................؟؟؟؟

هل هناك حقا كرامة فى الحب................؟؟؟؟
دائما ما اسمع ان من يحب لا يجب ان يتمسك بكرامتة امام من يحب فهل نتمسك
بكرمتا ام نتنازل ولو قليلا حتى تستطيع المركب المرور فى بحرا امواجة تثور
وتتطلاطم فية المشاعر مع الغرور
ويصبح قلبنا صخرة تتطلاطم عليها موجة الغرور ونكون بعدها قلوب تائهة
لا تعرف كيف المرور..............
فماذا نفعل معك ياغرور......؟؟؟؟؟؟؟؟؟؟؟؟؟؟ :( :(

نايس موضوع يا سولى بس باختصار والكرامه لانفكر فيها اذا كان الانسان الذى نحبه يستحق حبنا فى هذه اللحظه لانفكر فى الكرامه نفكر كيف نمشى الزمن والايام حتى ينتصر حبنا ويوفقنا الله ويجمع شملنا اما اذا كان انسان لا يستاهل حبنا فى هذه اللحظه الكرامه يجب ان تكون موجوده حبيبتى يجب ان لاتغمرنا ولا ننصت الى كلمات حلوه رقيقه رومانسيه ونصدق ان هذا حب الكلام مش بفلوس يجب ان نعرف ان الحب الذى يغمرنا حب صادق وهادف ولو نهايه سعيده ام حب تضيع وقت وتضيع كرامتنا معاه لا يعرف احد الجواب على هذه الاسئله غير نفسه فقط لاغير والله يوفق الجميع

:lol: انصح كل انسان وانسانه ان يعيدوا ذاكرتهم الى الخلف ويتذكرون ويحددوا فى علاقتهم العاطفيه هل هذا الانسان الصح الذى احنا معه اما نحن نحب وخلاص والحب المراه فيه عمياء والعمر يتسرق والكرامه تضيع والقلوب تنجرح فكروا مع نفسكوا قبل ما الجرح يكبروتكثر الاحزان وتندموا وترجعوا تقولوا مافيش حب صادق

بجد كلامك وارائك حلوة خالص ربنا يوفقك بسسسسسسسسسسسس
انا ليه تعليق على انه مفيش فالحب كرامة ازاى ياشيمومينفعش الا الكرامة لو مش حافظتى عليها كل حاجة بتضيع اصلا لو الانسان بيحب بجد ازاى يعمل اللى يجرح كرامة حبيبه يبقى دة مش حب اللى بيحب الحب كل احساس حلو ممكن الانسان يحس بيه
الوفاء. الاخلاص .العطف. الاحتواء. الرومانسية. الخوف على مشاعر الطرف الاخر.التساااااااااااااامح
يبقى ازاى يقدر يجرح كرامته اذا كان بيحبه
صدقينى هو دة الحب بجد لو كان بيخاف الانسان على مشاعر حبيبه اكيد كرامته من كرامة حبيبه
دة رايى وانا شايفة كدة وعايزة اعرف رايك حبيبتى

[/center]

مرسيه بجد لردكووووا واهتمامكوا بالموضوع لانه موضوع كبير ولكن احببت انى اوضحلكوا اكثر راى فى هذا الموضوع انا عند رايى ان الكرامه بين اى حبيبن مش لازم تكون هيا اللى ديما فى تفكريهم وفى تعاملهم مع بعض لان مثلا اى خلاف هو هيقول كرامتى وهيا هتقول كرامتى وهيعندوا على بعض والعلاقه هتتوتر بينهم وكل واحد هيقول كرامتى معناها ايه انهم هيحصل بينهم انكسار فى علاقتهم بسب كرامتى اما لواتفقوا ان التفاهم والحب وان فى اوقات ممكن يكون الشخص فيه مخنوق مضايق بيبقى فى تعصب على الطرف التانى مين هيستحمله غير حبيبه لازم يبقى فى شئ من التنازل حتى المركب تمشى ومش معنى ان كلامى بيغلى الكرامه خالص يعنى مش تكون بنت مرتبطه بشخص ما ومش مخلص ليها وبيعاملها معامله سيئه واقولها لاء دوسى على كرامتك واستحملى لاء ده يبقى هيا كده مش عامله نفسها شخصيه كرامه عن كرامه تفرق مش مثلا يبقى فى علاقه حب من طرف واحد وتدوس على كرامتها علشان بتحبه لاء وفى امثله كثيره وعلشان مش اطول عليكوا اكثر من كده

:santa واقول ان كرامه عن كرامه تفرق فى كرامه وهيا التنازل بعض من احدى الطرفين حتى يوصلوا الى النهايه السعيده وفى وقت لازم ان الكرامه تظهرلان بيبقى الموقف عايزان الكرامه تبقى موجوده فعلا

الموضوع بجد جامد جدا مع احترامى لارأكم انا شايفة ان الانسان لو بيحب بجد عمره ما هيفكر يجرح الانسان الى بيحبوا او يهين كرامتوا دا لو عارف ان الحاجة دى هتجرح الطرف التانى وبرده عاملها اما اذا كان مجرد خلاف وكل واحد بيقول كرامتى فا دا تفاهة سورى يعنى فى هذه الحالة لازم يتنزلوا ويصلحوا بعض اما بالنسبة للحالة الاولى يجب على الطرفين التحاور فى الموضوع وان يخبر من يحبه بأن هذا يجرح كرامته فاذا اصر على موقفه اذا هذا الانسان لا يستحقه ويعيش حياته بكرامته افضل ما يعيش حبه من غير كرامته

انا شايفه ان الكرامه شئ ضروري جدا في الحب وهي الي بتخلق احترام بين الطرفين لان الي بيحب حد لازم يحافظ علي كرامته والا لو اتنازل عن كرامه الي بيحبه هيبقي من السهل عليه انه يتنازل عن اي حاجه تانيه او حتي يتنازل عن الشخص نفسه.عشان كده الكرامه ركن من اركان الحب وركن مهم جدا بس دا ميمنعش ان في حاجات الواحد ممكن يتنازل عنها للبيحبه وان كانت كرامته بس في حدود عشان الحياه تمشي.